نصيحة مُجرب •• أحمد ولد الدده ولد آبّيْهْ

هاذي نصيحة فالتعليم

التعليم احن ينفعــــــن

والجهل اص عايد عديم

والعلم النافع يرفعـــــن

واغداج املي عقيـــم

ماينفعن ما يدفعـــــن

 

••••••••

عود اتلاميدك مندفـــــــعَ

شور التحصيل اومنتفــــع

واعطيهم من علمك دفع

بالتحضير الي مطنـــــي

قتل الوقت اكتيل اللفع

ذاك احذر منو يونـــــي

وارفع بلادك ذي رفـــع

جملك للخدمه مدني

 

•••••••••

المدرس وقتو باعـــــو

والبيع اوسعلو باعــــو

اخلاصو ياب تكطاعــــو

تكطاع الوقت ابلا معن

قسمك سويلو نزاعو

فالحكم اتكايس واتأن

•••••••••

والمفتش والمراقـــــب

والوزير اوذيك اجيــــــهَ

اشبه عندي هون اتراقب

هم المدارس يعنـــــيهَ

اتعاقب ذاك اليعاقــــب

والتشجيع املي فيهَ

والطلاب اخير اتولي

شور الدين الي يعنينَ

والتلميديات امللي

تسمع(وقرْنَ ، يُدْنينَ)